Ma'anar Zakatil fitr/Zakkar fidda kai

 

 Ma'anar Zakatil fitr/Zakkar fidda kai

Zakkar Fidda kai  wata sadaka ce da ake wajabta wa musulmi yayin da ya kammala Azumin Ramadan, kuma an kira ta da Zakatil Fitir ne saboda tana wajabane yayin da musulmi suka kamala Azumin Ramadhan Ta hanyar ganin watan Sallah.

 

 Hukuncin Zakkar Fidda kai 

An rawaito daga Ibn Abbas (RA) yana cewa: 

"Manzon Allah (SAW) ya wajabta Zakkar Fiddakai domin ta tsarkake mai Azumi daga batanci da rashin da’a, kuma ta zama Abinci ga Talakawa da Miskinai. Wanda ya bayar da ita kafin  a fita sallar Idi, to, shine yafitar da  zakkar ingan tacciya, amma wanda ya bayar da ita bayan sallar Idi, to, sadaka ce kawai daga cikin sauran sadakoki."  Maana be sauke wajibin da kekanshi ba na zakkar fidda kai.

(Ana samun wannan hadisin a cikin Sunan Abu Dawud 1371). 

 

 Lokacin da ake fitar da Zakkar Fidda kai 

 Zakkar Fidda kai tana zama wajibine   da zarar rana ta faɗi a ranar ƙarshe ta watan Ramadan kuma aka tabbatar da ganin jaririn watan sallah. Idan mutum ya musulunta ko aka haifi yaro kafin faɗuwar rana, to, wajibi ne a fitar  masa da wannan Zakkar . Amma idan hakan ya faru bayan faɗuwar rana, to zakkar bata wajabtaba . 

 

Waɗanda  Zakkar take wajaba akansu 

1. Kowani Musulmi – Maza da Mata Yara da manya(masu Yanci ba abyiba) da Bayi Maza da Mata, Manya da yara. 

2. Masu dama – Wanda ke da Isasshen abinci  shi da iyalansa a wannan yinin kuma har yaragu. 

3. Mai daukar nauyin wasu – Idan mutum yana ciyar da matarsa, ‘ya’yansa, iyayensa da sauran ‘yan uwansa da ke ƙarƙashin kulawarsa, to, zai fitar da Zakkar  a madadinsu. 

 

 Adadin da ake bayarwa 

Adadin Zakkar  shi ne sa'i ɗaya (1 صاع) na abinci, wanda yake daidai da kimanin 3kg na shinkafa, gero, alkama ko duk wani abinci da ake amfani da shi a cikin wannan yankin. 

 

Nau'in  Abincin da ake bayarwa 

Ana bayar da Zakkar ne Nau’in  abinci irin su: 

- Shinkafa 

- Alkama 

- Gero 

- Dawa   

- Wake 

- Ko  Duk wani nau'in abinci da mutane ke amfani da shi a matsayin abincin yau da kullum a ƙasarsu. 

 

 Anfani ko Fa'idar Zakkar Fitar 

1. Tsarkake mai azumi daga kura-kuran da suka faru yayin azumi. 

2. Taimakawa Talakawa domin sanyasu farin ciki a Ranar sallah. 

3. Haɗa kan al’umma ta hanyar tallafa wa marasa galihu.

 

Zakkar Fidda akai ibada ce mai muhimmanci da ke tabbatar da jin ƙai da haɗin kai tsakanin Musulmai. Don haka, dole ne a bayar da ita kafin sallar Idi domin ta cika manufarta.

Allah yabamu Ikon Bayarwa

Muhammad Idris  Kumbash