Falalar Watan Ramadan
- Ramadan wata ne na alheri da albarka. Allah ya fifita shi da falaloli masu yawa da kuma wasu siffofi na musamman, daga ciki:
A cikin watan aka saukar da Al-Qur'ani.
Ana buɗe ƙofofin Aljanna a cikinsa.
Ana rufe ƙofofin Wuta a cikinsa.
Ana ɗaure shaiɗanu a cikinsa.
Allah yana gafarta zunubai da kurakurai a cikinsa.
Akwai daren Lailatul Qadr a cikinsa, wanda ya fi wata dubu alheri.
Allah yana 'yanta bayi daga Wuta a kowace dare a cikinsa.
Rukannan Azumi
- Azumi yana da ginshiƙai biyu: su ne niyya da kuma kame baki daga cin abinci ko shan abin sha (imsaki).
- Niyya: ita ce kayi nufin kusanci da Allah ta hanyar ibada, a zuciya akeyinta, ba a furta niyya, kuma furta niyya bidi’a ce, ko da kuwa mutane suna ganin hakan abu ne mai kyau.
- Dole ne a tabbatar da niyya da nufin azumi da gaske, kuma a yi wannan niyya kafin alfijir idan azumin Ramadhan ne, ba na nafila ba.
Post a Comment