Sujadar Qabli da Baadi

 

Sujadar Qabli da Baadi

A Musulunci, sujadar qabli da ba’adi suna daga cikin sajadodin da ake yi a salla idan an samu kuskure ko karin abu cikin salla. Ana yin su don gyara salla domin ta kasance karbabbiya a wajen Allah. Ga cikakken bayani game da kowanne:

Sujadar Qabli:

- Ana yin ta kafin a yi sallama daga salla.

- Dalilin yin ta shi ne idan mutum ya rage wani abu daga cikin abubuwan wajibi na salla,

 kamar mantawa da raka’a, ruku’u, ko sujada.

- Manufa: Ana yin sujadar qabli ne don cike gibin da aka samu cikin salla.

- Yanda akeyi: Bayan an gama raka’o’in sallah,kafin sallamewa za a yi sujada biyu (ba tare

 da ankarayin wata tahiyaba) sannan a yi sallama kamar yadda aka saba.

Sujadar Ba'adi:

- Ana yin ta bayan an yi sallama daga salla.

- Dalilin yin ta shi ne idan mutum ya kara wani abu a cikin sallah da ba wajibi ba, kamar yin

 raka’a fiye da adadin da ake bukata.

- Manufa: Sujadar ba’adi tana gyara karin da aka samu don kada ya bata sallar gaba daya.

- Yanda akeyi: Bayan sallama, za a yi sujada biyu batare da ansakeyin wata tahiyaba sannan a sake sallama bayan anyi sujadar.

 

Karin bayani

1. Idan akwai shakku: Idan mutum ya shiga shakku game da adadin raka’oin da yayi,  se ya

 yi aiki da abin da yake da tabbacinsa na raka’o’in da yayi se yayi gini akan (mafi karanci),

 sannan ya yi sujadar baadi.

2. Idan ya tuna kuskure: Idan mutum ya gane kuskuren sa na ragi ko kari yayinda yake

 sallah, to se  ya gyara kuskuran  sannan ya yi sujadar da ta dace da yanayin kuskuren.

3. Matsayi na Fiqhu: Malamai suna da sabani kan wasu batutuwa da suka shafi sujadar qabli

 da ba’adi, amma mafi yawan malamai sun yi ittifaki kan cewa sujadar sahu wajibi ce idan aka

 samu kuskure.

 

Dalilai daga Hadisai:

- Manzon Allah (SAW) ya ce: 

  "Idan dayanku ya yi shakku a salla, ya yi aiki da abin da yake tabbata gare shi, sannan ya

   yi sujadar sahu."_ 

  (Muslim, Hadisi mai lamba 571).

 manzan Alla(saw) yataba samun Rafkanuwa a sallah yayin da yayi rakaa 2 a zatonsa rakaa 4

  ne seda sahabbai suka tunatar dashi  kuma ya yi sujadar qabli bayan ya gyara sallar domin

   gyara rafkanuwar da aka samu na ragin sallah

Manufar Sujadar Rafkanuwa:

1. Yin gyara kan kurakurai domin salla ta zama cikakkiya.

2. Neman gafara daga Allah saboda kuskuren da aka yi cikin ibada.

 Allah yabamu dacewa

✎Muhammad Idris Kumbash